Faah faahino dheeraad ah ayaa ka soo baxaya weerar xalay ka dhacay Boosaaso

Warar dheeraad ah ayaa laga helayaa Kooxo hubeysan oo xalay rasaas ku furay gaari ay saarnaayeen askar ka tirsan Ciidamada Booliska dowlad goboleedka Puntland Magaalada Boosaaso ee Xarunta Gobolka Bari,waxaana rasaastaas ka dhashay khasaaro dhimasho iyo dhaawac ah.

Wararka la helayo ayaa waxaa ay sheegayaan in rasaasta uu ku geeriyooday askari lagu magacaabi jiray Sharmaake Axmed Waabe oo ka tirsanaa ciidanka Booliiska gobolka Bari, gaar ahaanna saldhiga lagu magacaabo Mijir ee magaalada Boosaaso.

Goobjoogayaal ayaa sidoo kale waxaa ay sheegeen in laba askari oo ka tirsan Ciidamada Puntland ay rasaastaas ku dhaawacmeen,kuwaas oo loo qaaday Isbitaalka Magaalda Boosaaso,waxaana goobta ka baxsaday raggii ka dambeeyay weerarkaas.

Ilaa iyo hadda majirto cid sheegatay mas’uuliyadda weerarka sababay dhimashada iyo dhaawaca ee xalay ka dhacay Magalada Boosaaso,hayeeshee weerarada noocaas oo kale ah ayaa waxaa inta badan sheegta Al-Shabaab iyo Kooxda Daacish.

Dhinaca kale Ciidamo ka tirsan kuwa Booliska Puntland ayaa saakay waxaa ay howlgallo baaritaan ah ka wadaan halka uu xalay falka ka dhacay ee Isgoyska Banaadir ee Magalada boosaaso,waxaana weli jirin dad ay Ciidamadu u qabteen falkaasi

Be the first to comment

Leave a Reply

Your email address will not be published.