DHAGEYSO: Madaxweynaha K/Galbeed oo si La Yaab leh kaga hadlay Qarax ka dhacay Gobolka Baay

Madaxweynaha Dowlad goboleedka Koonfur Galbeed Cabdi Casiis Xasan Maxamed(laftagareen) ayaa ka hadlay qarixii khasaaraha geystay ee ka dhacay degmada Bardaale ee Gobolka Baay ee Maamulka Koonfur Galbeed.

Shir Jaraa’id uu ku qabtay Xafiiskiisa ayaa waxaa uu ka tacsiyadeeyey dadkii ku dhintay qaraxaas oo uu ka mid yahay Kabtan Falar Liibaan Nuurow oo Kamid ahaa Golaha Deegaanka Degmada Berdaale sidoo kale ahaa Sarkaal katirsan Ciidanka Xooga Dalka Soomaaliyeed.

Waxa uu sheegay in Al-Shabaab ay dhibaato ku hayaan Shacabka iyo mas’uuliyiinta Koonfur Galbeed,waxaana uu balan qaaday in uu wax badan u qaban doono Ehelada dadkii ku waxyeeloobay qaraxaas.

Ciidamada Mamulka Koonfur Galbeed iyo mas’uuliyiinta Maamulada degmoyinka Koonfur Galbeed ayuu ugu baaqay inay ka tigtoonaadaan weerarada kaga imaanaya dhinaca Al-Shabaab,waxaana Shacabka uu ka dalbaday inay dhankooda Ciidamada la Shaqeeyaan.

Si kastaba qaraxii shalay ka dhacay degmada Bardaale ayaa waxaa ku geeriyooday Kabtan Falar Liibaan Nuurow oo Kamid ahaa Golaha Deegaanka Degmada Berdaale, halka ay ku dhaawacmeen saddex Askari oo kale oo uu ku jiro Sarkaal ka tirsanaa Ciidamada Daraawiishta K/Galbeed oo lagu Magacaabo Cabdullaahi Sheekh Maxamed Sheekh Muqtaar.

Be the first to comment

Leave a Reply

Your email address will not be published.